Dagskrá Skólaþings næstkomandi laugardag

Skólaþingið er öllum opið og hefst kl. 13 laugardaginn 22. janúar. Í ljósi samkomutakmarkana fer fundurinn fram rafrænt á Zoom. 

Föstudaginn 21. janúar kl. 17 er væntanlegum þátttakendum boðið að prófa að skrá sig inn á ZOOM og læra á umhverfið.

Tengill inn á fundinn er aðgengilegur hér. Sami tengill er fyrir prufufund á föstudag og Skólaþingið á laugardag. 

Við hvetjum fólk til að skrá sig fyrirfram hér

Laugardaginn 22. janúar.

13:00-13:55

  • Eggert Kjartansson formaður samstarfsnefndar opnar skólaþingið
  • Hilmar Már Arason, skólastjóri Grunnskóla Snæfellsbæjar
  • Sigurður Jónsson, skólastjóri Laugargerðisskóla
  • Magnús Þór Jónsson, formaður Kennarasambands Íslands og fyrrverandi skólastjóri Grunnskóla Snæfellsbæjar
  • Sóldís Fannberg frá Lýsudal, fyrrum nemandi á Lýsuhóli lýsir sýn nemanda.

13:55-14:00

Kaffihlé

14:00-15:00

Umræður

Fundargestum skipt í hópa sem ræða stöðu skólamála og sýnina til framtíðar.

Leiðbeiningar til að tengjast Zoom

Hægt er að fylgjast með og taka þátt í hvaða snjalltæki sem er. Besta upplifunin fæst ef fylgst er með í tölvu og með heyrnartól. Gott er að setja Zoom-hugbúnaðinn upp á þá tölvu eða snjalltæki sem þú ætlar að nota tímanlega áður en fundurinn hefst. Þau sem eru þegar búin að setja upp Zoom á sínum vélum eru beðin um uppfæra í nýjustu útgáfu til að fá bestu virkni í umræðuhópum.

Zoom fyrir borðtölvur er á síðunni https://zoom.us/download en Zoom-smáforrit fyrir Android snjalltæki eru á Play Store og á App Store fyrir iPhone og iPad. Einnig er hægt að nota vefviðmót fyrir Zoom (Zoom Web Client) en virkni þess er takmarkaðri en virkni þess hugbúnaðar sem settur er upp á snjalltækinu.

Við mælum með að fólk mæti snemma fyrir framan skjáinn svo tími gefist til að bregðast við tæknilegum vandkvæðum sem geta komið upp við innskráningu. Aðgætið að heyrnartól og hljóðnemi séu tengdir við tölvuna/snjalltækið og virki sem skyldi. Í umræðum er gott að þátttakendur séu með virka myndavél og sjái hver annan.

Þátttakendur eru beðnir um að skrá fornafn við myndina. Það er gert með því að smella á punktana þrjá sem birtast þegar bendillinn er dreginn yfir myndina sína og velja "rename".

Ef þú ert með veika tengingu á þráðlausu neti þá mælum við með að þú tengir þig með netsnúru.